प्राचार्य डॉ. द्वारकादास बाहेती यांना जीवन गौरव पुरस्कार

लोक वार्ता न्युज शिरूर :

श्री छत्रपती संभाजी शिक्षण संस्था शिरूर येथील सीताबाई थिटे कॉलेज ऑफ फार्मसी चे प्राचार्य डॉ. द्वारकादास बाहेती यांना फार्मसी शिक्षण क्षेत्रातील कामगिरी साठी जीवन गौरव पुरस्काराने सन्मानित करण्यात आले.

शिक्रापूर येथील कस्तुरी शिक्षण संस्थेत आयोजित इंडो ब्राझिलियन कॉन्फरन्समध्ये

हा पुरस्कार माजी कुलगुरु व कस्तुरी शिक्षण संस्थेचे अध्यक्ष डॉ पंडितराव पलांडे , उपाध्यक्ष डॉ जयश्री ताई पलांडे व मॉडर्न कॉलेज ऑफ फार्मसी चे प्राचार्य डॉ पी डी चौधरी व कस्तुरी फार्मसी कॉलेज चे प्राचार्य डॉ मृणाल शिरसाठ यांच्या हस्ते देण्यात आला.याप्रसंगी डॉ स्वरूप लाहोटी डॉ .गर्ग व डॉ पांडे हे प्रमुख वक्ते म्हणून हजर होते.सदर कॉन्फरन्स मध्ये महाराष्ट्रातील सुमारे ४० फार्मसी महाविद्यालयाचे प्राचार्य व प्राध्यापक उपस्थित होते.

तसेच डी फार्मसी कॉलेज चे प्राचार्य डॉ.अमोल शहा यांना फार्मसी शिक्षण क्षेत्रातील विशेष कामगिरी साठी पुरस्काराने सन्मानित करण्यात आले.

डॉ. द्वारकादास बाहेती हे १९९५ पासून येथील सीताबाई थिटे कॉलेज ऑफ फार्मसी मध्ये प्राचार्य म्हणून काम करत आहेत. त्यांच्या अनेक विद्यार्थ्यांनी देश विदेशात फार्मसी शिक्षण , संशोधन निर्मिती तसेच व्यवस्थापन क्षेत्रात नावलौकिक मिळवला आहे.

सदर पुरस्काराचे संस्थेचे अध्यक्ष डॉ . राजेंद्र थिटे ,सचिव धनंजय थिटे व डॉ हर्षवर्धन थिटे व्यवस्थापक शिवाजीराव पडवळ यांनी कौतुक केले असून संस्थेतील शिक्षक, शिक्षकेतर कर्मचारी व विद्यार्थ्यांनी सरांचे अभिनंदन केले.